Tag: digital literacy

Онлайн вебинар: «Профессиялар атласы»

Posted on by Azhybek Nurlanov

Онлайн вебинар: «Профессиялар атласы»

Күнү: 27-июнь

Сааты: 14:00 

Өтүү платформасы:  Zoom 

https://us06web.zoom.us/j/88153768204?pwd=b0QzRnJNODdpS20rVnpCOXVKV2lRZz09

Youtube: https://youtu.be/rJFrLwxqnp4
Facebook: https://www.facebook.com/watch/?v=784003272971807

Билим берүү министрлигинин маалыматына ылайык, быйыл жалпы мектеп бүтүрүүчүлөрүнүн саны болжол менен 68 миңди түздү. Учурда алардын баары мазмундуу чечим алдында турат, башкача айтканда кайсы кесипти тандоо керек, анын актуалдуулугу кандай жана ал аркылуу өсүп-өнүгүү мүмкүнбү деген суроолор түйшөлтүп жатат. Мындай учурда Кыргыз Интернет Коому абитуринеттерге багыт берүү жана колдоо максатында онлайн-вебинар уюштуруп жатат.

Вебинардын спикери – чоңдорду окутуу боюнча адис, жаштар менен иштөө боюнча адис, тренер Ажара Камалиева. Ал билим берүү долбоорлорунда жаштар менен формалдуу жана формалдуу эмес билим берүү системасында 10 жылдан ашык иштеген, ошондой эле коммерциялык эмес уюмдар чөйрөсүндө ийгиликтүү долбоордук сунуштарды иштеп чыгуу боюнча 7 жылдык тажрыйбасы бар. Өз ишинде жаштарга окутуу программаларын иштеп чыгууда интерактивдүү методдорду колдонуу менен окутуу теориясын колдонот.

Онлайн-вебинерга өлкөнүн бардык булуң-бурчунан абитуриенттер, мугалимдер жана ата-энелер катыша алат. Негизги эфир Зум платформасында өтөт, ал эми Фейсбук жана Ютуб аркылуу түз чагылдырылып турат.

Онлайн Форум: Балдарды интернетте коргоо жана колдоо

Posted on by Azhybek Nurlanov

Онлайн Форум: Балдарды интернетте коргоо жана колдоо

1-июнь “Балдарды коргоонун эл аралык күнүнө» карата «Балдарды интернетте колдоо жана коргоо» деген аталышта масштабдуу онлайн-форум өттү. Аны Кыргыз Интернет коому менен «Роза Отунбаеванын демилгелери» эл аралык фонду биргеликте уюштурду. Форумда эл аралык жана жергиликтүү кесипкөй адистер өз баяндамаларды жасап, өз тажрыйбалары менен бөлүштү. Интернет айдыңында балдар кандай коркунучтарга же терс таасирлерге дуушар болушу мүмкүн, жеке маалыматтарды кантип коргоо керек, мындай учурга туш болгон балдардын психологиялык абалы жана аларга жардам берүү, реалдуу жана виртуалдык байланыштын балансын кантип сактаса болот деген суроолорго жооптор айтылып, башка өлкөлөр бул багытта кандай ыкмаларды колдонору белгиленди.

«Роза Отунбаеванын демилгелери» эл аралык фондунун директору Догдургүл Кендирбаева өз сөзүндө буларга токтоктолду:

«Кыргызстандын калкынын саны 6 миллион болсо, алар колдонгон гаджеттердин саны 9 миллион. Аларды арасында болгону 15% гана жарандар өнүктүрүүчү, билим алуучу контент көрсө, калган 85 % керексиз, утурумдук кызыкчылыктуу маалыматтарды көрөт экен», -деди.

Ал эми «Санарип Тазалык» долбоорунун жетекчиси Нурбек Арзымбаев Кыргызстанда балдарды интернетте коргоо багытында маалыматтар абдан аз экенин айтып, өз иликтөөсү менен бөлүштү:

«Биз Кыргызстандын аймагындагы 500 сайтка изилдөө жүргүздүк. Ошонун арасынан бир гана сайт балдардын жеке маалыматтарын интернетте коргоо тууралуу маалымат менен камсыз экен. Калган 499 сайттан андай маалымат таба алган жокпуз».

Ошондой эле форумга балдарды эрте куракта өнүктүрүү боюнча адис, педагог Элиза Темирбекова, Америкадан байланышка чыккан IT адиси Бакыт Абдишев, Япониядан KG Analytics интеллектуалдык коомдун санарип аткаруучу жетекчиси, Онлайн методист, педагогиялык дизайн жана электрондук окуу боюнча адиси, “Мугалим” платформасындагы  квалификация жана компетенция жогорулатуу үчүн курстардын автору, Монтессори – педагог, СТЕМ Амбассадор Сымбат Сатыбалдиева, aha.kg өзүн өнүктүрүү боюнча мектебинин негиздөөчүсү Айгүл Догдурова, «Санарип Тазалык» долбоорунун эксперти Айпери Бозоева жана «Санарип Инсан» жана «ilimbox» долбоорунун кызматташтыкты өнүктүрүү боюнча менеджери Ажыбек Нурлановдор катышып, ар бири балдар коргоо жана колдоо багытындагы долбоорлор, жеке тажрыйбалар, баалуу кеңештер менен бөлүштү. 

Форумдун жыйынтыгында Балдарды эрте курактар өнүктүрүү боюнча адис, Евросоюздун «Санарип инсан» долбоорунун медиа-эксперти Сапаргүл Абдинабиева бардык катышуучуларга ыраазычылык билдирип, 1-июнь «Балдарды коргоонун эл аралык күнү» менен бардык катышуучуларды куттуктады.

Онлайн-форум Zoom платформасы аркылуу өтүп, Ютуб жана Фейсбук аркылуу түз трансляция болду. Аны Кыргызстандын бардык булуң-бурчунунан  жалпы 300дөй жаран, анын ичинде ата-энелер, балдар, мигранттар, педагог же мугалимдер жана жаштар көрүп, активдүү суроо узатышты.

Онлайн-форумдун аягында интерактивүү оюндар ойнотулуп, жеңүүчүлөргө тренингдерге чакыруу жана кызыктуу китептер белекке берилди.

Онлайн Форум: Балдарды интернетте коргоо жана колдоо

Posted on by Azhybek Nurlanov

Күнү: 31-май

Сааты: 14:00

Катышуу шилтемеси: https://us06web.zoom.us/j/85016137739pwd=TUk2N1JXVkpyaU1kS0I1OWtTZzAwZz09

Facebook: https://www.facebook.com/events/1075849403339733/

Youtube: https://youtu.be/PoRp7jDcE1w

1-июнь Балдарды коргоонун эл аралык күнүнө карата «Балдарды интернетте коргоо жана колдоо» деген аталышта масштабдуу онлайн-форум өткөрөт. Аны Кыргыз Интернет коому менен «Роза Отунбаеванын демилгелери» эл аралык фонду биргеликте уюштурууда. Форумда эл аралык жана жергиликтүү кесипкөй адистер өз баяндамалары менен бөлүшүп, интернет айдыңында балдар кандай коркунучтарга же терс таасирлерге дуушар болушу мүмкүн,же тескерисинче сапаттуу маалыматтарды кайдан таба алат, жеке маалыматтарды кантип коргоо керек, мындай учурга туш болгон балдардын психологиялык абалы жана аларга жардам берүү, реалдуу жана виртуалдык байланыштын балансын кантип сактаса болот деген сыяктуу көптөгөн кызыктуу жана пайдалуу маалыматтарды айтып беришет.

Форум Zoom платформасы аркылуу өтүп, Ютуб жана Фейсбук аркылуу түз трансляция болот. Ага Кыргызстандын бардык булуң-бурчунунан жарандар, анын ичинде ата-энелер, балдар, мигранттар, педагог же мугалимдер жана жаштар катышып, суроо узата алышат.

  • Уюштуруучулар: Кыргыз Интернет Коому жана «Роза Отунбаеванын демилгелери» эл аралык фонду
  • Алып баруучу: Талант Султанов жана Сапаргүл Абдинабиева

Ачылышы. Саламдашуу сөз

  • Кыргыз Интернет Коомунун төрагасы, Талант Султанов
  • Балдарды эрте куракта өнүктүрүү боюнча адис, “Санарип Инсан” долбоорунун медиа-эксперти Сапаргүл Абдинабиева

Баяндамалар

  • Наталья Мочу, КМШ региону боюнча ITU аймактык директору
  • Догдуркул Кендирбаева, «Роза Отунбаеванын демилгеси» эл аралык коомдук фондунун аткаруучу директору
  • Элиза Темирбекова, балдарды эрте куракта өнүктүрүү боюнча адис, педагог, эки баланын энеси
  • Сымбат Сатыбалдиева, KG Analytics интеллектуалдык коомдун санарип аткаруучу жетекчиси, Онлайн методист, педагогиялык дизайн жана электрондук окуу боюнча адиси, “Мугалим” платформасындагы квалификация жана компетенция жогорулатуу үчүн курстардын автору, Монтессори – педагог, СТЕМ Амбассадор
  • Бакыт Абдишев, IT адиси, эки баланын атасы
  • Айгүл Догдурова, aha.kg өзүн өнүктүрүү боюнча мектебинин негиздөөчүсү
  • Нурбек Арзымбаев жана Айпери Бозоева «Санарип Тазалык» долбоорунун жетекчиси жана эксперти
  • Ажыбек Нурланов, «Санарип Инсан» жана «ilimbox» долбоорунун кызматташтыкты өнүктүрүү боюнча менеджери

Интерактивдүү  оюндар жана белектер. Талкулоо жана жыйынтыктоо.

Региондогу тургундар үчүн кандай санариптик мүмкүнчүлүктөр бар? 

Posted on by Azhybek Nurlanov

   Региондогу тургундар үчүн кандай санариптик мүмкүнчүлүктөр бар? 

17-май Бүткүл дүйнөлүк электрондук байланыш жана маалыматтуу коом күнү жана 9-май “Европа күнүнүн”урматына Бишкекте «Региондогу тургундар үчүн кандай санариптик мүмкүнчүлүктөр бар?» деген аталышты вебинар өттү. Аны Кыргыз Интернет коому уюштурду. Вебинарда Евробиримдик каржылаган Кыргызстандагы бир нече долбоордун жетекчилери катышып, айыл-аймактардагы жаштарга, кыз-келиндерге жана мигранттарга маалыматтык-технологиялык мүмкүнчүлүктөр жана гранттык колдоолор тууралуу маалымат берди.

Вебинардын ачылышын сөзүн Европа биримдигинин Кыргыз Республикасындагы өкүлчүлүгүнүн биринчи кеңешчиси, Кызматташуу бөлүмүнүн жетекчиси Ханс Фарнхаммер сүйлөдү.

«Санариптешүүдө Кыргызстан абдан чоң кадам таштады. Менин оюмча өнүгүү абдан катуу ылдамдыкта жүрүп жатат жана ал бардык тармактарды камтып жатат: алардын ичинде билим берүү, тейлөө тармактары бар. Аларды дагы масштабдуу өнүктүрүү үчүн бизге санариптик көндүмдөрдү терең үйрөнүү талап кылынат. Мен жарандык коом менен биргеликте ушул көндүмдөрдү сиздерге сунуштап жатканыбызга абдан кубанам. Бул ар бирибизге баа жеткис мүмкүнчүлүк», – деди Ханс Фарнхаммер

Европа Коңшулук Кеңешинин (ENC) Кыргыз Республикасындагы “Бирдей экономикалык мүмкүнчүлүктөрдү жана жаштардын туруктуулугун илгерилетүү” (Санарип Инсан) долбоорунун координатору Ксения Тышкевич «Санарип инсан» долбоорунун мазмунуна токтолду:

«Жөнөкөй тил менен айтканда, океандын ары жагында же Кыргызстандын алыскы бир аймагында жашаган жаш ишкер өзүнүн продукциясын интернет аркылуу сатып, рекламалап же болбосо глобалдык маалымат агымынан жаңы идеяларды өзүнө алса жана ага ушундай мүмкүнчүлүк түзүлсө дейбиз. Бул логикага таянып Евросоюздун колдоосу менен «Санарип Инсан» долбоору ишке ашып жатат».

Ал эми Илим, технология жана инновациялар бөлүмү, ICTP – Эл аралык теориялык физика борбору, Escuela Latinoamericana de Redes (EsLaRed) Фондунун президенти Профессор Эрманно Пиетросемоли жана Nothing2Hide компаниясынын негиздөөчүсүнун бири, башкы директору Грегуар Пуже да вебинарда сөз сүйлөп, буларды белгилешти:

«Интернеттин пайдалуу жактарын баарыбыз билебиз, бирок ал кээде терс таасир да этиши мүмкүн. Ал эми биздин эл аралык биргелешкен Санарип Тазалык долбоорубуз жергиликтүү журналисттерге жана активисттерге жардам берет жана аларды коргоого жардам берет»

Вебинардын калган бөлүгүндө Европа биримдиги тарабынан каржыланган бир нече долбоорлордун жетекчилери баяндама жасады. Европа Биримдигинин DigiKonush долбоорунун координатору, Лидер коомдук фондунун жетекчиси Банур Абдиева, Жаш Табышкер долбоорунун жетекчиси, «Enactus Кыргызстан» коомдук уюмунун аткаруучу директору Гүлбарчын Сүйүнова, Европа Биримдигинин «Санарип Инсан» долбоорунун медиа эксперти Сапаргүл Абдинабиева жана «Санарип Тазалык» долбоорунун жетекчиси Нурбек Арзымбаев өз долбоорлору, максаттары жана ишке ашуу жолдору тууралуу ой бөлүштү.

Онлайн-маектешүүнүн аягында «Кыргыз Интернет коомунун» төрагасы Талант Султанов жыйынтыктап, кызматташуу аркылуу максаттарга жетүүнүн маанисин айтып, катышуучуларга терең ыраазычылык билдирди.

«Региондогу тургундар үчүн кандай санариптик мүмкүнчүлүктөр бар?» вебинаранын максаты, региондордогу тургундарды, өзгөчө алыска айыл-аймактардагы жаштар, кыз-келиндер жана мигранттарды окууга жана технологиялык билим алууга шыктандыруу жана гранттык мүмкүнчүлүктөр тууралуу маалымат берүү. Негизги эфир Zoom платформасы аркылуу өтсө, ал “Кыргыз Интернет коомунун» Ютубдагы жана Фейсбуктагы расмий баракчаларынын түз чагылдырылып турду.  Ага өлкөнүн бардык булуң-бурчунан 200дөй адам катышты.

Онлайн вебинар: Региондогу тургундар үчүн кандай санариптик мүмкүнчүлүктөр бар? 

Posted on by Azhybek Nurlanov

Вебинардын атылышы: Региондогу тургундар үчүн кандай санариптик мүмкүнчүлүктөр бар?

9-май “Европа күнү” жана 17-май Бүткүл дүйнөлүк электрондук байланыш жана маалыматтуу коом күнүнүн урматына Бишкекте «Региондогу тургундар үчүн кандай санариптик мүмкүнчүлүктөр бар?» деген аталышты вебинар өтөт. Аны Кыргыз Интернет коому уюштурууда. Вебинарда Евробиримдик каржылаган Кыргызстандагы бир нече долбоордун жетекчилери катышып, региондордогу жаштарга, кыз-келиндерге жана мигранттарга маалыматтык-технологиялык мүмкүнчүлүктөр жана гранттык колдоолор тууралуу маалымат беришмекчи. 

Вебинар Zoom платформасы аркылуу өтөт. Ага Кыргызстандын бардык булуң-бурчунунан жарандар катышып, суроо узата алышат.

  • Уюштуруучулар: Кыргыз Интернет Коому
  • Алып баруучу: Талант Султанов

14:00 Ачылышы. Саламдашуу сөз

Ханс Фарнхаммер, Кызматташуу бөлүмүнүн жетекчиси, Европа биримдигинин Кыргыз Республикасындагы өкүлчүлүгүнүн биринчи кеңешчиси

14:15 Баяндамалар

Профессор Эрманно Пиетросемоли, Илим, технология жана инновациялар бөлүмү, ICTP – Эл аралык теориялык физика борбору, Escuela Latinoamericana de Redes (EsLaRed) Фондунун президенти

Ксения Тышкевич, Европа Коңшулук Кеңешинин (ENC) Кыргыз Республикасындагы “Бирдей экономикалык мүмкүнчүлүктөрдү жана жаштардын туруктуулугун илгерилетүү” (Санарип Инсан) долбоорунун координатору

Грегуар Пуже, Nothing2Hide компаниясынын негиздөөчүсүнун бири жана башкы директору

Банур Абдиева, Европа Биримдигинин DigiKonush долбоорунун  координатору, Лидер коомдук фондунун жетекчиси

Гүлбарчын Сүйүнова, Жаш Табышкер долбоорунун жетекчиси, “Enactus” Кыргызстан» коомдук уюмунун аткаруучу директору (макулдашуу боюнча)

Сапаргүл Абдинабиева, Европа Биримдигинин «Санарип Инсан»  долбоорунун медиа эксперти

Нурбек Арзымбаев, «Санарип Тазалык» долбоорунун жетекчиси, Tech4Press эл аралык уюму (Франция) менен биргелешкен демилге

15:10 Суроо-жооп жана талкулоо.

15:25 Жыйынтыктоо. Конкурс

«Кыздарга технологиядагы мүмкүнчүлүктөр» онлайн-маектешүүсү

Posted on by Azhybek Nurlanov

«Кыздарга технологиядагы мүмкүнчүлүктөрү» онлайн-маектешүүсү

28-апрель эл аралык “Маалыматтык-байланыш технологиясындагы кыздар” күнүнүн урматына карата Санариптик Трансформациядагы айымдар, «Р. Отунбаеванын демилгелери» коомдук эл аралык фонду жана Кыргыз Интернет коому биргеликте онлайн-маектешүү өткөрдү. Анда эл аралык жана жергиликтүү эксперттер жана ийгиликтүү айымдар өз тажрыйбаларын бөлүшүп, кыздар үчүн технологиядагы мүмкүнчүлүктөр тууралуу айтып беришти.

Онлайн-маектешүүнүн негизги баяндамачысы КРнын экс-президенти Роза Исаковна Отунбаева болду. Ал өз сөзүндө кыздардын технологиядагы мүмкүнчүлүктөрү чексиз деп айтты:

«Кыздарга технологиядагы мүмкүнчүлүктөр» деген видео-конференция республикалык деңгээлде биринчи жолу өтүп жатканына кубанычтамын. Биздин фонд 2013-жылдан баштап эле кыздар маалыматтык-технологиялык илим алсын деген демилген менен келе жатабыз. Соңку 2 жылдан бери STEM программабыз жүрүүдө. Анын алкагында Бишкек жана Ош шаарларында 2000ден ашуун окуучу кыздарга 193 адис менторлук кылып, окутуп чыгарды. Ал дагы деле уланып жатат. Бир нече донорлорлук уюмдар, мекемелер бизге жардам берип жатат. «Кыргыз Интернет коомун» дагы Европа Биримдиги колдоп, чогуу иш алып жаратасыздар. Ушундай эле нукта баарыбыз туш-туштан аракет кыла берсек дың жерлерди көтөрүп жаткан болобуз. Анткени технологиялык билимдерсиз биз 21-кылымды багындыра албайбыз»,- деди экс-президент Роза Отунбаева.

Ал эми ЖК депутаты Элвирва Сурабалдиева да сөз сүйлөп, ал кыздардын маалыматтык-технологиялык билим алуусу өтө маанилүү экенин жана кыз-келиндердин таламын парламентте коргоп келе жатканын билдирди. 

Кийинки баяндамачы КРнын Билим берүү жана илим министри А.Бейшеналиев сөз сүйлөп, буларга токтолду:

«Балдардын информациялык-технологиялык билим алуусунун негизги булагы катары биз азыр приоритетти так илимдерден сабак берген мугалимдерге коюп жатабыз. Президентибиздин соңку жарлыгына ылайык, табигый так илимдерден сабак берген мугалимдердин айлык акысы башка мугалимдерге караганда 20% га көтөрүлдү».

Кийинки онлайн талкуунун спикери Кыргыз Республикасынын Министрлер Кабинетине караштуу “Жеке маалыматтарды коргоо боюнча мамлекеттик агенттигинин” директору Нурия Кутнаева болуп, ал өз сөзүндө:

“Биз баарыбыз МКТ идеясын, санариптештирүү жана бул аймактарга кирүүгө жардам берип жайылтышыбыз керек”,- деп белгиледи. Ошондой эле ал бир нече кыздарга санариптик көндүмдөрдү, санариптик коопсуздукту жана МКТ тармагындагы карьералык багытты үйрөткөн насаатчылык программасы менен бөлүштү.

«Кыздарга технологиядагы мүмкүнчүлүктөр» деген аталыштагы онлайн-маектешүүсүнө расмийлерден сырткары бир нече эл аралык жана жергиликтүү эскперттер катышты.

Онлайн-маек учурунда Ташкент-Бишкек «КМШ аймагындагы МКТдагы кыздар» телекөпүрөсү аркылуу КМШ региону боюнча ITU аймактык директору Наталья Мочу жана «Санариптик Трансформациядагы Айымдар уюмунун» негиздөөчүсү Екатерина Громова байланышка чыгып, бул багыттагы эл аралык тажрыйбалар тууралуу кыскача айтып беришти.

Ал эми “Борбордук Азиядагы айымдар жана кыздар үчүн МКТнын мүмкүнчүлүктөрү тууралуу жергиликтүү эскперттер өз тажрыйбалары боюнча айтып беришти. Алар:

Шайна Крам, АКШ элчилигинин коомчулук менен байланыш бөлүмүнүн башчысы; Эл аралык Айтматов фондунун вице-президенти, КР Жогорку Кеңешинин мурдагы депутаты  Ширин Айтматова; Teach for Kazakhstan жана Connect-Ed.kz (Казакстан) негиздөөчүсү Гүлназ Корданова; Startup Accelerator, Tech4Impact компаниясынын негиздөөчүсү (Өзбекстан) Елена Селезнева; “Мутакалим” коомдук уюмунун жетекчиси Жамал Фронтбек кызы; Европа Биримдигинин DigiKonush долбоорунун координатору Банур Абдиева; “Суусамыр FM” коомдук радиосунун директору жана kyrgyzmedia.kg маалымат сайтынын башкы редактору Айзада Калканбекова; Relativity LLC компаниясынын DevOps инженери IT Инфлюенсер Айдана Омурбаева; Кыргыз программалык камсыздоону жана кызмат көрсөтүүлөрдү иштеп чыгуучулар ассоциациясынын директорунун орун басары Айпери Ногойбаева; “Санарип Тазалык” санариптик гигиена долбоорунун эксперти Айпери Бозоева; Европа Биримдигинин “Санарип Инсан” долбоорунун медиа эксперти Сапаргүл Абдинабиева; Village Girl долбоорунун координатору Айдай Аманкулова жана Кыргызстандын биринчи космостук программасынын жетекчиси Кызжибек Батырканова катышышты.

Онлайн-маектешүүнүн аягында «Кыргыз Интернет коомунун» негиздөөчүлөрүнүн бири Азиз Солтобаев жыйынтыктап, өз сөзүндө кийинки белгиледи: “Бүгүн биз биргелешкен күч-аракет менен чоң натыйжаларга жетишип, кыздардын МКТда гана эмес, жалпы эле илимде да жетишкендик көрсөтө аларыбызды түшүндүк”. 

Ошондой эле «Кыргыз Интернет коомунун» төрагасы Талант Султанов бардык катышуучуларга рахмат айтып, көрүп жаткан кыздарды маалыматтык-технологиялык билим алууга үндөдү.

«Кыздарга технологиядагы мүмкүнчүлүктөр» онлайн-маектешүүсүнүн максаты, кыздарды, өзгөчө алыска айыл-аймактардагы кыз-келиндерди окууга жана технологиялык билим алууга шыктандыруу. Баштапкы эфир Zoom платформасы аркылуу өтсө, ал “Кыргыз Интернет коомунун» Ютубдагы жана Фейсбуктагы расмий баракчаларынын түз чагылдырылып турду.  Ага өлкөнүн бардык булуң-бурчунан:

Zoom аркылуу- 100 киши

Фейсбук аркылуу- 162 киши

Ютуб аркылуу- 145 киши түз көрүп отурду.

Кыздардын шыктандырган маектердин артынан чакан онлайн-сынак уюштурулду. Анда маалыматтык-технология багытында суроолор берилип, жеңүүчүлөргө IT курсуна сертификат, IT  тармагында иштеген адистерге бекер консультациялар жана китеп, блокнот сыяктуу кызыктыруучу белектер ыйгарылды.

<iframe width=”560″ height=”315″ src=”https://www.youtube.com/embed/IGrjxWTmx34″ title=”YouTube video player” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture” allowfullscreen></iframe>

«Кыздарга технологиядагы мүмкүнчүлүктөр» онлайн-маектешүүсү

Posted on by Azhybek Nurlanov

«Кыздарга технологиядагы мүмкүнчүлүктөр» онлайн-маектешүүсү

Күнү: 28-апрель

Сааты: 16:00

Катышуу шилтемеси: https://us06web.zoom.us/j/88516164405pwd=anBlZFNwWm5zNGhLM29QQjhyamxLZz09

Youtube: https://youtu.be/Xvt7Gd-SnBg 
Facebook: https://fb.watch/cG2PkgRuU8/

28-апрель эл аралык “Маалыматтык-байланыш технологиясындагы кыздар” күнүнүн урматына карата Санариптик Трансформациядагы айымдар, Кыргыз Интернет коому жана “Роза Отунбаеванын демилгелери” эл аралык коомдук фонду биргеликте онлайн-маектешүү өткөрөт. «Кыздарга технологиялык мүмкүнчүлүктөр» деген аталыштагы онлайн-маектешүүнүн максаты, кыздарды, өзгөчө алыска айыл-аймактардагы кыз-келиндерди окууга жана технологиялык билим алууга шыктандыруу болуп саналат. Анда эл аралык жана жергиликтүү эксперттер жана ийгиликтүү айымдар өз тажрыйбаларын бөлүшүп, Борбор Азиядагы мүмкүнчүлүктөр тууралуу айтып берет. Онлайн-маек бей-расмий форматта өтөт, ага өлкөнүн бардык булуң-бурчунан кыз-келиндер Zoom  аркылуу катышса болот.

Программасы

  • Уюштуруучулар: Санариптик Трансформациядагы Айымдар эл аралык уюму, Кыргыз Интернет Коому жана “Роза Отунбаеванын демилгелери” эл аралык коомдук фонду
  • Алып баруучу: Екатерина Громова, Талант Султанов

16:00 Ачылышы. Саламдашуу сөз

  • Роза Отунбаева, “Роза Отунбаеванын демилгелери” эл аралык коомдук фондунун негиздөөчүсү, экс-президент
  • Эльвира Сурабалдиева, Кыргыз Республикасынын Жогорку Кеңешинин депутаты
  • Алмазбек Бейшеналиев, Кыргыз Республикасынын билим берүү министри
  • Нурия Кутнаева, Кыргыз Республикасынын Министрлер Кабинетине караштуу Жеке маалыматтарды коргоо боюнча мамлекеттик агенттиктин директору

16:30 Ташкент-Бишкек «КМШ аймагындагы МКТдагы кыздар» телекөпүрөсү

  • Наталья Мочу, КМШ региону боюнча ITU аймактык директору
  • Екатерина Громова, Санариптик Трансформациядагы Айымдар уюмунун негиздөөчүсү

16:45 Баяндамалар “Борбордук Азиядагы айымдар жана кыздар үчүн МКТнын мүмкүнчүлүктөрү”

  • Шайна Крам, АКШ элчилигинин коомчулук менен байланыш бөлүмүнүн башчысы
  • Ширин Айтматова, Эл аралык Айтматов фондунун вице-президенти, КР Жогорку Кеңешинин мурдагы депутаты
  • Гүлназ Корданова, Teach for Kazakhstan жана Connect-Ed.kz (Казакстан) негиздөөчүсү.
  • Елена Селезнева, Startup Accelerator, Tech4Impact компаниясынын негиздөөчүсү (Өзбекстан)
  • Жамал Фронтбек кызы, “Мутакалим” коомдук уюмунун жетекчиси
  • Банур Абдиева, Европа Биримдигинин DigiKonush долбоорунун координатору
  • Айзада Калканбекова, “Суусамыр FM” коомдук радиосунун директору жана kyrgyzmedia.kg маалымат сайтынын башкы редактору
  • Айдана Омурбаева, Relativity LLC компаниясынын DevOps инженери, IT Инфлюенсер
  • Айпери Ногойбаева, Кыргыз программалык камсыздоону жана кызмат көрсөтүүлөрдү иштеп чыгуучулар ассоциациясынын директорунун орун басары
  • Айпери Бозоева, “Санарип Тазалык” санариптик гигиена долбоорунун эксперти
  • Сапаргүл Абдинабиева, Европа Биримдигинин “Санарип Инсан” долбоорунун медиа эксперти
  • Айдай Аманкулова, Village Girl долбоорунун координатору
  • Кызжибек Батырканова, Кыргызстандын биринчи космостук программасынын жетекчиси.         Бул демилге Би-Би-Синин “Дүйнөдөгү эң таасирдүү жана шыктандыруучу 100 айым” глобалдык тизмесине киргизилген.

Талкулоо жана жыйынтыктоо. Конкурс

Presentation of the Digital Citizen project

Posted on by kyrgyzisoc

Салам, достор!
Өткөн бейшембиде “Санарип Инсан” долбоорунун тушоо кесүүсү өттү. Долбоордун бет ачарында мамлекеттик жана жеке секторлор катышып, ой пикирлери менен бөлүшүштү. Биз бардык катышкан өнөктөштөргө ыраазычылык билдиребиз!

“Санариптик көндүмдөрдү жогорулатуу аркылуу айылдык жаштардын, аялдардын жана мигранттардын иш менен камсыз болуу потенциалын жогорулатуу” тегерек столу. Санарип Инсан долбоорунун бет ачары

Posted on by Azhybek Nurlanov

2022-жылдын 31-мартында Бишкек шаарындагы «Парк Отель» мейманканасында «Бирдей экономикалык мүмкүнчүлүктөрдү жана жаштардын туруктуулугун илгерилетүү» форуму менен бирге «Санарип Инсан» долбоорунун ачылыш аземи өттү. Тегерек стол гибриддик форматта өтүп, 80ден ашык мамлекеттик жана жеке сектордун кызматкерлери оффлайн катышса, чет өлкөлүк өнөктөштүрүбүз жана айыл-аймактардагы жарандарыбыз онлайн катышты. 

«Санарип Инсан» долбоору аялдардын, жаштардын, мигранттардын жана коомдун аярлуу катмарынын санариптик сабаттуулугун жогорулатууга, талап кылынган кесиптерге үйрөтүүгө багытталган. Ошондой эле, маалымат кантип издөө, санариптик платформаларды колдоно билүү, социалдык баракчалардагы функцияларды колдонуу, эсептик операцияларды жүргүзүү, онлайн соода кылуу жана ишкердик жасоодо маалыматтык технологияларды колдонууга үйрөтөт. Долбоор 100 000 жаранды камтууну пландап жатат.

«Санарип Инсан» долбоору Европа Коңшулук Кеңеши менен «Кыргыз Интернет Коому» (Айсок) бирикмеси тарабынан ишке ашырылып жатат. Аны Европа Биримдиги каржылоодо.

Видео отчет          Сүрөттөр          Презентациялар

Пост-релиз           Программа             Пресс-релиз

Тегерек стол жумуштук конференция жана кыргыздын улуттук салты менен коштолду. Форумдун башталышында алты жаштагы манасчы «Манастан» бир нече үзүндү айтып берди. Андан соң, Европа Биримдигинин Кыргыз Республикасындагы өкүлчүлүгүнүн убактылуу ишенимдүү өкүлү Раймондс Вингрис кичинекей манасчыны кыргыздын салты боюнча «тушоосун кести.

Кыргыз Республикасынын Маданият, маалымат, спорт жана жаштар саясаты министринин орун басары Союзбек Надырбеков «Санарип Инсан» долбоорунун бардык аспектилери менен таанышып чыгып, өлкө калкынын санариптик сабаттуулугун жогорулатуу үчүн кызматашууга абдан кызыкдар экенин билдирди. 

Кыргыз Республикасынын эмгек, социалдык камсыздоо жана миграция министринин орун басары Нурдөөлөт Базарбаев санариптик сабаттуулук келечекте жарандарга өз мекенинде туруп эле чет өлкөлүк компаниялардан санариптик тейлөөлөрдү импорттоого мүмкүнчүлүк берет деди.

Кыргыз Республикасынын билим берүү жана илим министринин орун басары Уланбек Мамбетакунов да «Санарип Инсан» долбоору менен кызматтушууга даяр экенин айтып, калктын санариптик билимин жогорулатып, туруктуу өнүктүрүүгө кызыкдар экенин баса белгиледи. «Биз жакырчылыкты жоюуга, сапаттуу билим берүүгө жана санариптик көндүмдөр аркылуу туруктуу өнүгүүгө маани беришибиз керек. Билим берүү министрлиги менен бирге бир нече министрликтер жарандардын санариптик көндүмдөрүнө, маалыматтык сабаттуулугуна абдан көп күч-аракет жумшап жатат. Баарыңыздарга маалым болгондой, учурда жалпы башталгыч билим берүүгө мамлекеттик билим берүү стандарттарына ылайык долбоор даярдалып жатат. Ал жерде санариптик көндүмдөрдүн калыптануусу жана жашыл экономика тууралуу билим берүү тапшырмасы бар.

Ошондой эле, форумга интернеттин негиздөөчүсү жана Google дун вице-президенти Винтон Серф да каташып, ал потенцияалдуу калкка ээ болуу үчүн коомдун аярлуу катмарын санариптик көндүмдөргө үйрөтүү зарылдыгын айтып өттү.

Долбоордун координатору жана Европалык Коңшулук Кеңешинин (European Neighborhood Councils – ENC) изилдөөчүсү Мария Бевза «Санарип Инсан» долбоорун ишке ашыруу жолдору тууралуу сөз сүйлөп, долбоор белгиленген максатка ылайык 2 жыл аралыгында ишке ашарын кошумчалады.

Раймондс Вингрис

Европа Биримдигинин
Кыргыз Республикасындагы өкүлчүлүгүнүн убактылуу ишенимдүү өкүлү
Нурдоолот Базарбаев

Кыргыз Республикасынын эмгек, социалдык камсыздоо жана миграция министринин орун басары
Уланбек Мамбетакунов

Кыргыз Республикасынын билим берүү жана илим министринин орун басары
Союзбек Надырбеков

Кыргыз Республикасынын Маданият, маалымат, спорт жана жаштар саясаты министринин орун басары
Мария Бевза

Долбоордун координатору жана Европалык Коңшулук Кеңешинин (European Neighborhood Councils – ENC) изилдөөчүсү
Винтон Серф

Интернеттин негиздөөчүлөрүнүн бири жана Google компаниясынын вице-президенти

Жаштардын жана аялдардын коомдук бирикмелернен, атап айтканда SheStarts, Мутакалим, Открытая Линиядан дагы өкүлдөр катышты. Алар өз сөзүндө экономикалык мүмкүнчүлүктөрдүн теңдигин алдыга сүрөө жана аялдардын жана жаштардын туруктуулугун илгерилетүү мүмкүнчүлүктөрү тууралуу ой бөлүштү.

Форум «Санарип Инсан» долбоорунун ачылуу аземи менен коштолуп, мамлекеттик органдардын өкүлдөрү, маалымат каражаттары жана бенефициарлар катышты. Алар Кыргыз Республикасынын калкын максималдуу алдыга жылдырууда алардын санариптик сабаттуулуктарын жогорулатуу багытында иштешүүгө келишти.

<iframe width=”560″ height=”315″ src=”https://www.youtube.com/embed/vWF1Ss7n12Q” title=”YouTube video player” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture” allowfullscreen></iframe>

Учурдан пайдаланып, иш-чарага катышканыңыз жана жалпы максаттарга жетүү үчүн кызматташууга кызыкканыңыз үчүн ыраазычылык билдиребиз.
Убакыттыңыз, ресурстарга жана көңүл бурганыңыз үчүн рахмат!
Биз сиздин пикириңизди социалдык баракчаларда алууга кубанычта болобуз.
World Email In Fb Ig Yt Whatsapp Telegram

 

Долбоор боюнча кошумча маалыматты төмөнкү телефон аркылуу алса болот:
+996 755 330 335 жана e-mail:  [email protected]
«Бул <веб сайт/кат> Европа Биримдигинин каржылык колдоосу менен даярдалган. Бул басылманын мазмуну Европалык Коңшулук Кеңешинин (ENC) / “Айсок Кыргызстан Интернет Коому” коомдук бирикмесинин жоопкерчилигинде жана Европа Биримдигинин көз карашын чагылдырбайт.