Tag: digital literacy

Кыргыз Интернет Коому 2022-жылдын 21-июлунда саат 16:00дө “Идеалдуу резюме жана кыялыңыздагы жумуш” деген темада онлайн вебинар өткөрдү, анткени азыркы учурда кыялданган жумуш издөөдө резюме негизги пункттардын бири болуп саналат. Иш берүүчү сиз көңүл бурбаган кичинекей нерсеге байланып калышы мүмкүн, ошондуктан сиз чоң жумушту өткөрүп жибересиз. Потенциалдуу иш берүүчү жок дегенде сиздин резюмеңизди четке какпашы үчүн кантип резюме жазуу керек?

Вебинарды Панарбеков Султан – Beeline Кыргызстандын тышкы байланыштар жана социалдык өнөктөштүк боюнча адиси болмокчу. Султан жаштарды, инновацияларды, ишкердик духту, санариптик технологияларды жана калктын компьютердик сабаттуулугун өнүктүрүүгө багытталган социалдык долбоорлорду ишке ашыруу менен алектенет жана буга чейин эл аралык Enactus жаштар уюмунда IT адиси, Ажыбек Нурланов – «Санарип Инсан» жана «ilimbox» долбоорлорунун кызматташтыкты өнүктүрүү боюнча менеджери жана Эркинай Таалайбекова – «Санарип Инсан» жана «Tech4Society» долбоорлорунун SMM адиси өткөрдү.

Резюме – бул сиз жөнүндө биринчи таасир. Жакшы жазылган жана форматталган резюме сиздин кесиптик компетенттүүлүгүңүздү жана өзүңүзгө болгон ишенимди көрсөтөт. Кандайдыр бир кызматка сынак жарыяланганда иш берүүчүгө көп сандагы резюмелер түшүп, алардын ичинен эң мыктылары тандалып алынат. Эгер сиз белгилүү бир тармактын эксклюзивдүү адиси болсоңуз да, бирок сиз муну резюмеңизде так чагылдыра албасаңыз же аны шашылыш чыгарсаңыз, тилекке каршы, интервьюга чакыруу алуу мүмкүнчүлүгү өтө аз.

Кемчиликсиз резюме жазуу үчүн эмне кылуу керек? Бул суроого туура жооп жок жана болушу да мүмкүн эмес, анткени идеалдуу резюмелер жок – ар бир учурда жеке мамиле керек.

Ошого карабастан, эгерде сиз резюме түзүүдөн мурун, жок дегенде, кыскача биздин “Резюме эрежелери” боюнча жарыялоону окуп чыксаңыз, анда сиз эң негизги нерсени билесиз. Жарыялоо жаңы ишке жолду кыскартууга жардам берет.

Заманбап жашоону интернеттин таасири жок элестетүү кыйын. Адамдар ал жерден ар кандай товарларды сатып алышат, кызматтарды заказ кылышат, баарлашышат, таанышышат жана жөн гана эс алышат. Ошондой эле, интернет көптөгөн ар кандай адистердин жумуш орду болуп калды. Блогдор, сайттар жана социалдык тармактар он миңдеген долларларды табууга болот жана акча табуунун жолдору көп. Күн сайын сайттардын саны көбөйүп, социалдык медианы колдонуучулардын саны көбөйүүдө. Мунун баары өнүктүрүү жана интернет-ресурстарды илгерилетүү менен байланышкан жаңы кесиптердин пайда алып келет. Мындай учурда Кыргыз Интернет Коому «SMM келечектин кесиби» темасында онлайн вебинар уюштурулду, вебинарда спикер катары “WE” Коомдук Фондунун негиздөөчүсү, IDEA CA медиакоординатору Камила Усманова болуп,  социалдык медиа маркетинги жөнүндө айтып берди.

Спикер төмөнкү кийинки маалыматтар менен дагы бөлүшө кетти, алар: SMM адисинин кесибинин өзгөчөлүктөрү, SMM адиси болуу, SMM башка илгерилетүү ыкмаларынан караганда эмнеси жакшы жана кесиптин келечеги жөнүндө

<iframe width=”560″ height=”315″ src=”https://www.youtube.com/embed/DFcq7Ukyww0″ title=”YouTube video player” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture” allowfullscreen></iframe>