2024-жылдын 18-20-декабрь күндөрү ISOC командасы Ысык-Көлдүн түштүк жээгинде, тактап айтканда, Балыкчы шаарында, Тон, Ак-Суу жана Барскоон айылдарында тренингдерди өткөрдү. Бардык тренингдер райондордун администрацияларынын имараттарында өтүп, долбоордун тарыхында эң көп катышуучуларды тартты. Тренингдерге Өзгөчө кырдаалдар министрлигинин, райондордун администрацияларынын кызматкерлерин жана санариптештирүү бөлүмдөрүнүн башчылары катышты.
Катышуучулар тренингдерге топтолуучу суроолор менен келишип, өздөрүнүн иш тажрыйбалары менен бөлүшүүгө даяр болушту, айрыкча эл менен иштөө жаатында. ISOC тренерлери бардык катышуучуларга Google Документтерин кандайча колдонуу керектигин көрсөтүп, түшүндүрүштү. Бул технологияда бир нече колдонуучу бир эле документти бир учурда түзөтүп, өзгөртүүлөрдү киргизип, суроолорду бере алышат, бул болсо бюрократияны азайтып, процессти натыйжалуу кылат. Бул маалымат катышуучулар үчүн өтө пайдалуу жана актуалдуу болду.
Бардык тренингдерге катышуучулар үчүн WhatsApp топтору ачылып, келечекте байланышта болуу жана алардын санариптештирүү боюнча мамлекеттик органдарга суроолорун жеткирүү үчүн шарт түзүлдү.
